Փոքրիկ հսկիչը [Egretta Garzetta] (fb2) читать онлайн

Egretta Garzetta Փոքրիկ հսկիչը

Սահակը եկավ աշխատանքի վաղ առավոտյան։ Արաքսին արդեն տեղում էր։ Քանի անգամ աշխատել է նրանից շուտ գալ, չի ստացվել։ Այդ աղջկան հաջողվում էր միշտ բոլորից առաջ անցել։ Սահակը բարևեց նրան ու անցավ հոր աշխատասենյակ։

Սա փոքր խանութ էր։ Առաջին հարկում նստում էր Արաքսին։ Նկուղում գտնվում էր ապրանքը՝ սննդամթերքի զանազան տեսակներ։ Արաքսին նստում մուտքի մոտ։ Բոլոր հաշիվները կատարում էր նա, իսկ ինքը կամ Ռուբենը՝ աշխատողը, արդեն հանձնում էին ապրանքը գնորդին։

Իր աշխատանքի անցնելուց հետո հայրը գալիս էր խանութ ավելի ուշ։ Եկած ժամանակ էլ հերթով գնում էր կողքի խանութները, այցելում վաղեմի ծանոթներին։ Փողոցում գտնվող խանութների տերերը աշխատում էին այստեղ արդեն մի քանի տարի։ Ու Սահակը կարելի ասել մեծացել էր շատերի աչքերի առաջ։ Հարևանները ականատես են եղել և՛ պատեական գժություններին, և՛ երիսարդական հարբած համերգներին, և՛ նորանոր մեքենաներին, և՛ տարբեր աղջիկներին, և՛ այլն, և՛ այլն… Հիմա ինքը երեսունհինգ տարեկան է։ Վաղուց անցել են այն անհանգիստ ցերեկներն ու գիշերները, երբ լավ տժժացնում էր ընկերների հետ։ Եթե առաջ լավ հարբելուց հետո, առավոտյան ոտքի էր կանգնում այնպես, կարծես ամբողջ տարին չէր խմել, առողջ ցուլի նման կարող էր ամեն աշխատանք՝ առանց կաթիլ անգամ հոգնելու կատարել կամ նորից մի լավ գիշեր անցկացնել, ու նորից արթնանալ մաքուր դատողությամբ, ապա հիմա, եթե մի անգամ նման աշխույժ գիշեր անցկացնի, ապա հիմա պետք է երեք օր, ուժերը վերականգնելու համար։

Սահակը չէր հաշվում իրեն ծերուկ, բայց և տասնյոթ տարեկանի խելագար արարքներ այլևս չէր անում։ Սակայն երբ տեսնում էր Արաքսիի ուռած թշիկները ու կենտրոնացած հայացքը, ակամա դառնում էր տասնյոթ տարեկան։ Այդ աղջիկը սկզբում ոչ մի տպավորություն չթողեց իր վրա։ Միջին հասակի, խճուճ մազերը հանգիստ ալիքներով իջնում էին ուսերից ներքև, շագանակագույն աչքեր ուներ ու զարմանալի սպիտակ մաշկ։ Մի վայրկյան Սահակին նույնիսկ թվաց թե հիվանդագին սպիտակ։ Սակայն օրիորդը ցավ ունեցողի տեսք չուներ։ Առավոտից իրիկուն նստած համակարգիչի առաջ գրիչն ու թղթերը ձեռքին անդադար հաշիվներ էր անում։ Նրա սուր աչքից չէր վրիպում ոչինչ, ամեն ինչ պիտի լիներ տեղը տեղին։ Խոսքերը ուղղված իրեն միայն գործնական էին։ Սուրճ խմելուց լսած կոմպլիմենտները անտեսվեցին առաջին օրվանից։ Ինքն էլ չուզեց ջրիկանալ, անցել էր այդ տարիքից։ Միայն քթի տակ ժպտում էր, երբ տեսնում էր, որ իր խոսքերը նրա սրտով չեն։ Իրեն երբեմն թվում էր, թե իրենք են աշխատում Արաքսիի խանութում։ Գնորդներին անդադար ժպտում էր ու ուշադիր լսում։ Դեմքին խաղում էր ամեն մկան։ Երբ խոսում էր Սահակի հայրը, մինչև նախադասության ավարտը հոնքերը, աչքերը, շրթունքները հազար տեսակ փոխվում էին։ Սահակը տեսնում էր, ինչպես հոր տարիքը հարգելով նա զսպում է իրեն ու մինչև խոսքը չի վերջացել, ձայն չի հանում։ Իր հետ օրիորդը այդքան համբերություն չուներ։ Ճիշտ է ատամները կրճտացնում լռում էր, բայց երբ հանդիմանում էր, ալեկոծվում փոթորկվում էր ծովի նման։ Ու այդ խուճուճը իրեն հուզում էր։ Միթե՞ մի օր ձեռքս չես ընկնելու։

_Սահակ, այդ մակարոնները ճիշտ չեք դրել, վերջը կամ քո կամ էլ Ռուբոյի վրա են թափվելու։

Արաքսին իջել էր նկուղ։ Բացի իր կատարած աշխատանքից նաև ստուգում էր իրենց արածը։ Հայրը դրել նրան մականուն «փոքրիկ հսկիչ»։ Ու հիմա փոքրիկ հսկիչը իջել նկուղ, որ բարձրացնի իրենց մեղքերը։

_Մի անհանգստանա Արաքս… ոչինչ չի՛ լինի,_կանչեց ինքը վերևից։

_Ինչպե՜ս թե չի լինի։ Այնքան եք իրար վրա շարել, որ Էյֆելյան աշտարակն է դարձել։ Քիչ է հարյուր հատ դրել եք իրար վրա, այն էլ վերև զոռով եք հասել ու ծուռն եք դրել։ Աշտարակը ծռվել է…

Սահակը չհամբերեց իջավ ներքև։

_Նայեմ…

Արաքսին կանգնել էր պատի մոտ վերև խոյացած մակարոնեղենի շարքերի մոտ։ Իսկապես ստացվել էր բազմահարկանի շինություն, բայց այդ տուփերը ներքև գլորվելու միտք չունեին։

Օրիորդը ձեռքին բռնած թուղթ ու գրիչ սպասում էր իրեն։ Սահակը մոտեցավ։

_Արաքս չափազանցնում ես… ոչինչ չի լինի…

_Սահակ հետո հաճույքով ասելու եմ. «Ես հո ասում էի»։

_Ահա, նայի՛ր…

Սահակը մի քանի անգամ խփեց գլխից վերև գտնվող տուփին։

_Տեսնու՞մ ես,_ժպտաց օրիորդին,_ոչինչ չեղավ…

Բայց չհասցրեց խոսքը վերջացնել, ինչպես տուփերը թափվեցին ներքև։ Արաքսին ճչաց, վայր գցեց թուղթն ու գրիչը, ծածկեց գլուխը ու սեղմվեց պատին։ Տուփերի շարքը թեքվեց նրա կողմ։

«Թափվելու է սրա վրա»։ Սահակը ճարպկորեն ցատկեց շարքի ու աղջկա միջև։ Տուփերը դղրդոցով ընկան Սահակի ու Արաքսիի վրա։ Երիտասարդը ձեռքերը հենեց պատին, այնպես որ օրիորդը մնաց իր ու պատի միջև։ Սահակը փակեց աչքերը որ չզգա տուփերի պատճառած ցավը։ Քիչ է մի շարքը փուլ եկավ իրենց վրա, մյուսն էլ լցվեց առաջինի վրա։ Նրանց ծանրության տակ Սահակը հազիվ էր մնում։ Առջևում կուչ եկած օրիորդը կպել էր պատին ու աշխատում չդիպչել իրեն։ Նա ամուր կկոցել էր աչքերը։ Երբեք չէր տեսել այսպես մոտիկից։ Ի՜նչ կարմիր շրթունքներ ունի այս մեկը։

_Արաքս, ինչպե՞ս ես։

Օրիորդը վախվխորելով բացեց աչքերը։

_Լավ, մերսի։ Դու՞…

_Մերսի՜… ե՞ս,_Սահակի ծիծաղը եկավ, թուլացավ ու տուփերը տեղաշարժվեցին։ Ծանրությունից Սահակը մի քայլ առաջ եկավ։ Զգաց Արաքսի տաք շնչառությունը։ Տեսավ ինչպես կարմրեցին նրա այտերը։ Այո՛, ծանր բեռը իր մարմնի ու գլխի վրա, չէր խանգարում նկատել այս ամենը։ Ու գուցե այս ամենը ավելի շատ էր գրավել իր ուշադրությունը քան վզի ցավը։

_Հիմա մի կերպ դուրս կգամ։

Արաքսին աշխատեց զգուշությամբ սղոսկել երիտասարդի գրկից։

Սահակը զգաց նրա ջերմ շունչը ու ձեռքերի մեղմ շարժումը։ Օրիորդը աշխատեց ետ հրել երիտասարդի մեջքին գտնվող տուփերը։ Ուստի հպվեց նրա կրծքին ճակատով, ապա մի կերպ ոտքը խցկեց շուրջը թափված տուփերի արանքը։ Սահակի վզի նյարդերը ձգվել էին ինչպես ջութակի լարերը։ Բեռը քանի գնում ավելի էր ծանրանում։ Երրորդ շարքն էլ ընկել էր մյուս թափվածների վրա։ Մնացել էին մի կողմից երկու պատերի, մյուսից՝ մինչև գոտին հասնող մակարոնի տուփերի քաոսի մեջ։ Սահակը չէր ուզում թույլ երևալ օրիորդի աչքերում։ Բայց և թույլ էլ չէ՛ր… թուլացնում ու շեղում էին ուշադրությունը Արաքսիի մարմինը պինդ հպված իրեն, նրա մազերի բույրը ու սպիտակ կուրծքը, որ մասամբ երևում էր շրջազգեստի կոճակների միջից։ Պետք էր մի կերպ դուրս գալ այս անհարմար իրավիճակից, քանի գլուխը չի կորցրել։

_Վերևում ոչ մեկը չկա՞… կանչենք օգնության,_առաջարկեց օրիորդը։ Նա հանել էր ոտքը, բայց թափված տուփերը խանգարում էին առաջ շարժվել։

_Ու՞մ… ո՛չ հայրիկը, ո՛չ էլ Ռուբոն այնտեղ չեն։ Երբ կանչեցիր, կողպեցի դուռը իջա ցած։ Սպասիր հիմա կփորձեմ ամբողջ ուժով ետ անել ու դուրս կգաս։

_Լավ… ուրեմն փորձենք այսպես,_օրիորդը մի կերպ շրջվեց ու Սահակին մեջքով ու խցկեց գլուխը երիտասարդի բազուկների տակից, ապա հանեց ձեռքերը, հրեց գոտկատեղին հասնող տուփը։ Բայց այն այնպես ամուր էր տեղավորել մնացած տուփերի քաոսում, որ անհնար էր տեղաշարժ անել։

_Ա՜խ… չի շարժվում…_օրիորդը դժգոհ հարվածեց տուփին_լավ, ամբողջ օրը հո այսպես չենք մնալու…

_Եթե մի քիչ էլ շարժվես… մնալու ենք տուփերի տակ։

Սահակի ճակատին քրտինքի կաթիլներ կային։ Մեջքը արդեն ցավում էր։ Իսկ այս աղջիկը այնքան շարժվեց, որ խախտեց կարծես վերջապես անշարժացած տուփերը։

_Դու՛ կարո՞ղ ես չշարժվել… Արաքս, կանգնի՛ր անշարժ… մեջքով բռնել եմ այս ամբողջ բեռը… բայց արդեն չեմ դիմանում… վիզս ցավեց…

Արաքսին գլուխը քաշեց ետ։ Ու նայեց վերև։

_Սահակ, ի՞նչ անեմ…

Սահակը ևս մի քիչ առաջ եկավ։ Երևում էր որ մեծ ջանք էր գործադրում, որ պահի տուփերը թափվելուց։

_Տեր աստվա՜ծ, մնալու ենք տուփերի տակ, պետք էր կպչել ձեր ծուռը շարքերին…մեռնելու եմ մակարոնների տակ։

Սահակը նորից ծիծաղեց, դիրքը թուլացավ ու դրա հետևանքով երրորդ շարքն էլ լրիվ քանդվեց լցվեց իրենց վրա։ Ծանրությունը չկարողանալով այլևս պահել Սահակը մղվեց առաջ ու իր մարմնով կպցրեց Արաքսիին սառը պատին։

_Սահակ ի՞նչ ես անում։

Արաքսիկի աջ ոտքը մնաց երկու տուփի արանքում։ Նա մի ձեռքով բռնվեց պատից, մյուսը դրեց Սահակի կրծքին։ Սահակը արմունկներով հենվեց պատին։ Անզորությունից դրեց գլուխը Արփիկի գլխին, հետո թեքեց ուսին։

_Չհասկացա…_Արաքսին շարժեց ուսը,_Սահա՜կ…

Երիտասարդը սեղմեց շրթունքները նրա վզին։

_Սահա՜կ ի՞նչ ես անում։

Արաքսին թողեց պատը ու երկրորդ ձեռքով ետ արեց երիտասարդին։ Նրա միաժամանակ վախեցած ու զարմացած հայացքը մեխվեց նրան։ Սահակը ուզեց ետ անել գլուխը, բայց վզին ընկած մակրոնի տուփը չթողեց։

_Արա՜քս… ե՜ս չգիտեմ ինչ եղավ ինձ։

Սահակը նորից գլուխը դրեց նրա ուսին։ Շնչեց օրիորդի անուշ օծանելիքի բույրը։ Գուցե դա օծանելիք չի՛, այլ Արաքսիի բույրն է։ Մի ձեռքը թուլացավ, բայց դեռ պայքարում էր։ Վերջապես հավաքեց բոլոր ուժերը, ափերով ամուր հենվեց պատին, ոտքերը պինդ սեղմեց ետ ու մարմնով պահեց տուփերը, ապա մի ճարպիկ շարժումով քաշեց Արաքսիին դուրս ու վերև հրեց այդ ծուղակից։ Արաքսին իսկույն բռնվեց տուփերից մեկից ու քաշեց մարմինը հանեց։ Ապա արագ այսուայն կողմ հրմշտեց մոտակա տուփերը ու քաշեց Սահակի բազուկից։ Երիտասարդը ինքն էլ մղվեց նրա կողմ։ Ու թափով շարժվեց դեպի առաջ։ Տուփերը դղրդոցով վերջնական թափվեցին հատակին ու մյուս թափված տուփերի վրա։ Սահակը արագ-արագ ոստոստելով նրանց արանքներով սեղմեց օրիորդի ձեռքը ու շարժվեց առաջ։ Բայց Արաքսիի ոտքը առավ ինչ-որ խոչնդոտի ու նա փռվեց հատակին։ Սահակը ուզեց քաշել ոտքի հանել։ Բայց չգիտես ինչու ներքին ձայնը հուշեց անել հակառակը։ Նա ձևացրեց, թե ինքն էլ կորցրեց հավասարակշռությունը ու փռվեց օրիորդի հետևից, սակայն ընկնելուց պահեց օրիորդին իր գրկում։

Արաքսին հևաց ու կարմրած նայեց Սահակին։ Աչքերում բոցկլտում էին ջղայնության կայծերը։ Դժգոհ ծռեց բարակ շրթունքները։

_Սահա՜կ… խելքդ թռավ…

Նրա մազերը սփռվել էին երիտասարդի կրծքին, պիտի բարձրանար, երբ Սահակը ամուր գրկեց մի ձեռքով, իսկ մյուսով՝ սեղմեց գլուխը իր դեմքին։

_Ի՞նչ ես անում։

Բայց շարունակել չկարողացավ։ Երիտասարդի ջերմ շրթունքները ստիպեցին լռել։ Օրիորդը մի քանի անգամ հարվածեց, բայց ազատվել չկարողացավ։ Սահակը բաց չթողեց մինչև, որ չկշտացավ։

_Աներե՛ս,_շշնջաց օրիորդը ու սրբեց բերանը։ Նրա սպիտակ դեմքը վայրկյանում կարմրեց։ Սահակը ամուր բռնեց նրա ուսերից ու տապալեց հատակին։ Ձգվեց, որ նորից համբուրի, բայց օրիորդը թեքեց գլուխը։

_Սահակ, մի գժվի… բաց թող…

Սահակը շոյեց նրա այտը ու խճուճ մազերը տարավ ետ ճակատի վրայից։ Օրիորդը դեն հրեց նրա ափը։ Սահակը զգաց, որ չափն անցավ։ Բայց չգիտեր ինչու ապուշի նման գոհ ժպտում էր։

Արաքսին հևաց երիտասարդի ծանրության տակ։ Հատակի սառնությունը ամեն բջիջ մարմնում պաղեցնում էր, իսկ երիտասարդի շունչը՝ վառում։ Նա ազատվեց երիտասարդի բազուկներից, հրեց գցեց իր վրայից, ոտքի նետվեց ու վազեց դեպի վերև։ Հատակին պառկած երիտասարդը ձեռքը ետ մեկնեց, որ բռնի նրա շրջազգեստի փեշը, բայց բռնեց միայն օդը։ Ձեռքը այդպես էլ ետ գցեց ու ժպտաց։

–Արի ամուսնանանք,—անսպասելի դուրս թռավ նրա բերանից։

_ Քո՜ հետ… միայն մյուս կյանքում,—վերևից եկավ պատասխան։

–Ուրեմն այսօրվանից մյուս կյանքդ սկսվել է։

_Ապու՛շ…

«Վերջապես հաջողվեց ազատվել այդ անտեր մակարոններից»․ մտածեց Սահակը։